50) രോഗിയെ സന്ദര്‍ശിക്കുന്നതിന്‍റെ ശ്രേഷ്ഠത

by

രോഗിയെ സന്ദര്‍ശിക്കുന്നവര്‍ക്ക്‌ മലക്കുകളുടെ പ്രാര്‍ത്ഥനയുടെ ശ്രേഷ്ഠത ഇപ്രകാരം ലഭിക്കുന്നു:

149. “നബി(സ) അരുളി: “ഒരാള്‍ തന്‍റെ മുസ്‌ലിം സഹോദരനെ രോഗാവസ്ഥയില്‍ സന്ദര്‍ശിക്കാന്‍ പോയാല്‍ അവന്‍ ഇരിക്കുന്നത് വരെ നടക്കുന്നത് സ്വര്‍ഗത്തിലെ ഫലസമൃദ്ധമായ തോട്ടത്തിലൂടെ (അഥവാ, സ്വര്‍ഗം സമ്പാദിക്കുന്ന വഴിയില്‍) ആണ്. അവന്‍ (രോഗിയുടെ അരികെ) ഇരുന്നാല്‍ അനുഗ്രഹം അവനെ ആവരണം ചെയ്യുന്നു. ആ രോഗസന്ദര്‍ശനം രാവിലെയാണെങ്കില്‍ വൈകുന്നേരംവരെ രോഗസന്ദര്‍ശ‍കന് അനുഗ്രഹത്തിന് വേണ്ടി എഴുപതിനായിരം മലക്കുകള്‍ പ്രാര്‍ത്ഥിക്കുന്നതാണ്! അത് വൈകുന്നേരമാണെങ്കില്‍ പ്രഭാതം വരെ എഴുപതിനായിരം മലക്കുകള്‍ രോഗസന്ദര്‍ശകന് അനുഗ്രഹത്തിന് വേണ്ടി പ്രാര്‍ത്ഥിക്കുന്നതാണ് !”

(الألباني في السلسلة الصحيحة:١٣٦٧ وأبو داود:٣٠٩٨)

49) രോഗിയെ സന്ദര്‍ശിക്കുമ്പോഴുള്ള പ്രാര്‍ത്ഥന

by

നബി(സ) രോഗിയെ സന്ദര്‍ശിച്ചാല്‍ ഇപ്രകാരം പ്രാര്‍ത്ഥിക്കാറുണ്ടായിരുന്നു:

147.

لاَبَأْسَ طَهُورٌ إِنْ شَاءَ اللهُ

: (البخاري:٥٦٥٦)

“ലാ ബഅ്സ ത്വഹൂറുന്‍ ഇന്‍ശാഅല്ലാഹ്”

“സാരമില്ല. അല്ലാഹു ഉദ്ദേശിച്ചാല്‍ പാപശുദ്ധിയും സുഖംപ്രാപിക്കലുമുണ്ടാകും.”

 

148.

(أَسْأَلُ اللهَ الْعَظِيمِ رَبَّ الْعَرْشِ الْعَظِيمِ أَنْ يَشْفِيَكَ (سبع مرات

: ( صححه الألباني في سنن أبي داود:٣١٠٦ وفي سنن الترمذي׃٢٠٨٣ )

“അസ്അലുല്ലാഹല്‍ അളീമ, റബ്ബില്‍ അര്‍ശില്‍ അളീമി, അന്‍ യശ്ഫീക.”

“അതിഗാംഭീര്യമുള്ള ‘അര്‍ശ്’ന്‍റെ (അല്ലാഹുവിന്‍റെ പരമാധികാര പീഠത്തിന്‍റെ) റബ്ബും, അതിമഹത്വമുള്ളവനുമായ അല്ലാഹുവിനോട് താങ്കള്‍ക്ക് രോഗശമനം വരുത്തുവാന്‍ ഞാന്‍ തേടുന്നു.” (ഏഴ് തവണ പറയുക)

നബി(സ) അരുളി : “ഇങ്ങനെ (ദൃഢവിശ്വാസത്തോടെ പ്രാര്‍ത്ഥിച്ചാല്‍ ആ രോഗിക്ക്‌ അല്ലാഹു ആ രോഗം മാറ്റിക്കൊടുക്കാതിരിക്കില്ല!”

45) പിശാചിനെയും അവന്‍റെ വസ്’വാസ്ഉം അകറ്റാനുള്ള പ്രാര്‍ത്ഥന

by

പിശാചിനെയും അവന്‍റെ വസ്‘വാസ്ഉം (സിഹ്റും – മാരണവും, രോഗങ്ങളും) അകറ്റാനുള്ള പ്രാര്‍ത്ഥന

141.

الاسْتِعَاذَةُ بِاللهِ مِنْهُ

 : (سورة المؤمنون:٩٧-٩٨) – “പിശാചില്‍ നിന്ന്  അല്ലാഹുവിനോട് രക്ഷതേടുക”

142.

الأَذَانُ

 : (البخاري:٦٠٨ ومسلم:٣٨٩) – “ബാങ്ക് (പല തവണ തുടരെ, തുടരെ) വിളിക്കുക.”

143.

الأذكار وقراءة القرآن

 : (مسلم:٥٣٩/١) –

“ദിക്റുകള്‍ (പല തവണ തുടരെ, തുടരെ) ചൊല്ലുക; ഖുര്‍ആന്‍ (112: 1-4,  113: 1-5,   114: 1-6,   2: 255,  2: 285-286,   23: 117-118…. തുടങ്ങിയ സൂക്തങ്ങള്‍ പല തവണ തുടരെ, തുടരെ പാരായണം ചെയ്യുക.”

 

നബി(സ) അരുളി : “സൂറത്ത് അല്‍-ബഖറ പാരായണം ചെയ്യുന്ന വീടുകളില്‍ നിന്ന്  ശൈത്താന്‍ പുറത്ത് പോകുന്നു.” (മുസ്‌ലിം 780). പിശാചിനെയും അവന്‍റെ വസ്വാസും (സിഹ്റും – മാരണവും, ദുര്‍ബോധനവും, രോഗങ്ങളും) അകറ്റാന്‍ ചെയ്യുന്നതില്‍ പെട്ടതാണ് : എന്നും രാവിലേയും വൈകുന്നേരവും ചൊല്ലുന്ന ദിക്റുകളും പ്രാര്‍ത്ഥനകളും, ഉറങ്ങാന്‍ കിടക്കുമ്പോഴും ഉണരുമ്പോഴും ഉള്ള പ്രാര്‍ത്ഥനകള്‍, വീട്ടിലും പള്ളിയിലും പ്രവേശിക്കുമ്പോഴും അവിടെനിന്ന് പുറത്തേക്ക് പോകുമ്പോഴുമുള്ള പ്രാര്‍ത്ഥനകള്‍… തുടങ്ങിയവ ചൊല്ലല്‍. അതുകൂടാതെ ഉറങ്ങാന്‍ കിടക്കുമ്പോള്‍ മതനിയമത്തിലുള്ള സൂറത്ത് അല്‍-ബഖറ 2:255,  2:285-286  പാരായണം ചെയ്യല്‍, അതുപോലെ “ലാ ഇലാഹ ഇല്ലല്ലാഹു, വഹ്ദഹു, ലാ ശരീക്ക ലഹു, ലഹുല്‍-മുല്‍ക്കു, വലഹുല്‍-ഹംദു, വഹുവ അലാ കുല്ലി ശൈഇന്‍ ഖദീര്‍’ എന്ന് ദിവസവും നൂറ് തവണ ചൊല്ലിയാല്‍ ഒരു ദിവസം മുഴുവനും ശൈത്താനില്‍ നിന്ന്  അല്ലാഹു സുരക്ഷ നല്‍കും!” (ബുഖാരി: 608, മുസ്‌ലിം: 389) ഇതെല്ലാം പിശാചിനെയും അവന്‍റെ വസ്വാസ് (സിഹ്റും – മാരണവും ദുര്‍ബോധനവും രോഗവും) അകറ്റാനുള്ള പ്രാര്‍ത്ഥനകളാണ്.